If I were THE ONE

Seandainyo aku jadi oncak nomer satu di Palembang. Entah itu judulnyo walikota, atau gubernur, hmmm … apo dulu ye yg nak kugaweke supaya Palembang jadi tambah sip. O, iyo, pejabat yang baek harus punyo program. Program aku kiro2 mak ini bae ..

Eh salah. Sebelom ngomongin program, kito ngomongin dana. Soalnyo, galo2 program biso begerak kalo ado duwit. Nah, selaen dari APBD, aku nak nyari duit dg caro “aneh”. Akan kubiarke wong2 yang bermoral rendah dan idak beradab itu untuk nerusin kebiasan sogok menyogoknyo. Malah aku bakal bikin rekening khusus tempat nampung duit sogokan ini. Aliran dananyo akan kubuat transparan, kumuat di koran2 daerah, siapo bae namo penyumbangnyo. Kecuali si penyogok nyantumin “dari hamba Allah” di kertas transferannyo. Dana ini plus APBD lah yg bakal jadi penggerak program2 aku gek.

Program2 aku kiro2 mak ini :

- Personally Touch

Akan aku bikin lapangan multifungsi di setiap sudut kota. Kalo biso, per RW ado sikok. Men tanah kosong la saro nyarinyo, yo .. aku bikin sikok per kecamatan bae. Lapangan ini untuk seluruh warga. Bapak2 biso maen sepakbola. Anak mudo biso maen basket. Untuk budak kecik gek dibikinke playgroundnyo, ado ayunan, prosotan, dll. Buat ibu2 dan remaja cewek gek dibuatke area taman yang cantik. Teduh. Ado pohon2 besak yang ditanemin anggrek2 spesies dari hutan2 di SumSel. Di taman ini ditata kursi dan bangku2. Untuk tempat arisan atau sekadar bekelakar. Dak boleh gosip. Duso.

Jadi, ijin untuk mbikin mall bakalan distop dulu. Beneri be dulu gedung2 mall yang ado. Palembang perlu tanah lapang plus pohon2 rindang. Perlu jugo kambang2 iwak sebagai tempat resapan air mako dak banjir2 terus.

- Fasilitas

Kumanfaatke air sungai musi. Untuk nyedioke air bersih buat galo2 warga. Sekalian dibikin area petak usaha, mako banyak yg ngingun iwak gabus dan udang sungai. Jadi jangan lagi ado cerito dak nyedioke pempek iwak gabus gara2 katek stok. Atau kuah tekwan / model cuma coklat dikecapin bukan merah lantak palak udang.

Akan kubuat lingkungan kantor aku sebagai hotspot. Area internet gratis selamo jam kerjo. Sampe di area parkirnyo. Jadi masyarakat jugo boleh dateng. Tapi aku jugo musti perketat keamanan area ini. Jangan sampe ado wong2 yang silau liat rame yang mbentang laptop.

- Award

Bentuk penghargaan yang aku kasih ke bawahan dan pegawai yang la lintang pukang nolongin aku majuin Palembang bukan dalam bentuk jalan2 ke luar negeri dengan dalih studi banding. Dak lah. Basi. Garing. Dak musim lagi. Aku gek nak nyedioin cash bae untuk beasiswa anak2nyo sekolah. Biaya sekolah sekarang makin mahal. Dan aku perlu mereka tenang, dak banyak pikiran – mikirke duit skolah anak – mending mereka mikirke makmano caro njalanke program2 aku itu. Kalopun memang mereka ado duit lebih, mereka kuanjurke nabung. Mako pacak jalan2 sekeluarga dengan biaya dewek. Dak pake duit rakyat.

Po lagi ye. Semak itu dulu. Blom ado ide. Lagian masih lamo jugo pemilihan walikota / gubernur barunyo . Sempetla aku mikir2 program2 laen yang lebih bagus lagi. Atau ado yang nak nyumbang ide ? Melok jadi tim sukses ? Boleh. Silahkan tulis di comment ..